كيف اقدر انتقل من القسم بدون مشاكل؟

خواتي بغيت نصيحة

انا باجر إن شاءالله بكلم المدير العام بخصوص مشكلتي مع قسمه

انا حاليا اتدرب عنده و موظفيه ماعندهم احترام وواحد دوووم يصارخ علي جدام الموظفين و فوق هذا مسؤولته عطتني اشغال خيالية حتى المرأة الحديدية مابتقدر تنجزه ويوم كلمتها قالت لازم تنضغطين عشان تتعلمين بس هذا مب اسلوب تعليم وغير هذا الجو عندهم كلش ما يساعد الواحد يشتغل كئيب انا من شهر و شيء ما اقدر انام و صحتي متدهورة افكر كيف اخبر المدير لان محد تجرأ يكلمه و هو بينصدم لوخبرته

خواتي عندكم حل او كيف افاتحه بالموضوع و اطلب منه ان يردني لقسمي لان هو طلب من مسؤولي اني اتدرب عندهم فانا ما ابيه يحس اني اتحدى طلبه

ما اعرف شو اسوي ساعدوني و اذا ما تقدرون ادعوا لي بالتوفيق

بس باعتقادي لازم تكلمينه دامج تعبانه بس خلي عندج الاراده والاصرار علشان تقدرين ترمسينه بدون لا تتوترين

انتي جهزي نفسج للكلام وشوة مفكره تقوليله جابلي المنظره وارمسي قوليله انا عندي مشكله ومتردده ارمسك فيها وهالشي يخصني وانا ما توقعت القسم اليديد جيه بيكون ولا توقعت رده فعل الموظفين جيه وياي وانا اتحمل ضغط فوق طاقتي ممكن تشوفلي حل ؟؟ وانا بصراحه ارتحت لقسمي القديم ومستانسه فيه ممكن تردني لقسمي او تعطيني حل ثاني

خذي فكره ممكن كلامي ما يعجبج بس انتي بعد فكري كيف بترمسينه