شخباركم عساكم بخير وعافيهـ
بما إني بكر وأول بيبي لي إن شاء الله بيظهر عقب شهر
فأنا احترت الصراحة في القياسات واشوية وبتخبل بسببها
يعني ماخليت مكان الا رحت له رحت بيبي شوب ومذكير وكارترز والمحلات العادية
بس كل القياسات احسها نفس الشي وقياس نيو بورن أحسه كبير عالمولودين اليداد
وأكثر شي أحصله قياس من 0 _3 واخت ريلي تقول هالقياسات كبيرة عليهم وايد
وحتى قياس بيبي بورن احسه كبير واحترت شو اشتري وماباقي غير شهر
بعطيكم مثال على هالصور اللي خذيتها من موضوع التجهيزات :
والمولودين حديثا احسهم صغار وايد ع الملابس هذي وماحصلت أصغر منهم
واحس انها بتكون كبيرة وايد عليهم وحتى الملابس الداخلية فخبروني شو الحل
هل في محل معين نشتري منه ملابس أصغر ولا خلاص أشتري نفس هذيلا
القياسات ولا شو رايكم ..
ولو سمحتم بغيت طقم شنطة ومدس والشنطة اللي يشيلون فيه البيبي جاهز من محل في عجمان أو الشارقة
حبوبة أنا حق بنتي خذتلها 4 بدل تقريبا XS بتحصلين في بيبي شوب،،
ومرات يكتبون premature
ترا قياسات عيالهم غير عن عيالنا،، عشان جي المقاسات الصغيرة تناسب عيالنا،،،
وخذي كمن بدلة نيو برن حق أول أسبوعين،، وبعدين 0-3
يالغاليه انا بقولج في قياسات تكون XS يعني قياس صغير وفي قياس تكون نيو بورن مش 0-3 بس انتي انتبهي لما تروحين تراجيعن سألي الدكتوره قولي لها عن حجم البيبي مالج لان تقدرين تاخذين ملابس عن طريق الوزن يعني تلاقين تحت وين مكتوب 0-3 بتلاقين الوزن …. وفبيبي شوب واايد بتلاقين احجام صغيره وفبريماما في وايد وصح بقولج سالفه حرمت اخو ريلي اول حمل لها كله اشترت نيو بورن ,0-3 وطلع البيبي صغير وكل الملابس كبيره عليه وفالحمل الثاني تعقدت وخذت نيوبورن وxs وطلع البيبي كبير ومش قياسه الملابس … وصح اخر شي ابا اقولج انه البيبي بيلبس لج الملابس الصغيره بس اسبوع وعلى طول يكبر بسرعه وبتاخذين له ملابس كبيره يعني انتي بتستفيدين من الملابس 0-3 لمدة 3 شهور …
المشاركة الأصلية كتبت بواسطة ::ملاك:: 
ومرات يكتبون premature
ترا قياسات عيالهم غير عن عيالنا،، عشان جي المقاسات الصغيرة تناسب عيالنا،،،
وخذي كمن بدلة نيو برن حق أول أسبوعين،، وبعدين 0-3
اممم ماحصلت قياس اكس اس
بس بحاول أدور مرة ثانية وحق نيو بورن باخذ كمن بدلة
ومشكورة يالغالية ع المرور والرد
انا احس من 0-3 احسن شي
حتى لو كبير ترا البيبي بسرعه يكبر و بتلاحضين انه الملابس بسرعه تصغر
يعني لو خذتي نيوبورن بس اسبوعين او ثلاث و بتصغر البدله و خاصه الافرولات مال بيبي شوب مع الغسيل تنكمش
حتى الفوانيل خذي من 0-3 لانه البامبرز ياخذ مكان ههههه
اشتري الشنطه من محل مونسون في شنط كبار بس انتي سويها حركه وخليها للملابس البييبي تكونين كشخه اما اذا تبين شنطه ومدس طقم بتلاقين ام سواف فالمنتدى وفالقريه العالميه وبتلاقين في وايد حريم يفصلن اشياء حلوه طقم ..
المشاركة الأصلية كتبت بواسطة marioom88 إن شاء الله بحاول ادور هالقياس وإن شاء الله تكون القياسات كلها صح
علشان ما اتبهذل بعدين ..
ههههههههه اخاف يستوي فيني نفس اللي استوا حق حرمة اخو ريلج
يالله ماعليه بحاول انتبه
وشكرا ع المساعدةةةةةة