قصتي مع الحمل … الله يسلمكم انا اجهضت شهر فبراير وقالوا السبب انه الدم ماكان يوصل المشيمه … يمكن لاني متينه ويمكن لاني قليلة الحركه … تعددت الاسباب …
طبعا من كنت في الاربعبن وانا احاول في موضوع الحمل … كنت بموت من كثر شوقي للحمل وخاصه اني اجهضت وكان البيبي بعمر 6 شهور … بس ما الله كتب له عمر …
الحمدالله عندي عيال بس حبيت ايب غيرهم … فقررت اهتم بنفسي وبصحتي وقويت عزيميتي بالاستغفار والدعاء بشكل مكثف … اول شيء قررت اصلح موضوع فقر الدم باني التزم بتعليمات الدكتورة واخذ حبوب الحديد مثل ماقالت لي
الموضوع الثاني موضوع قلة الحركه .. قمت احاول ازيد نشاطي في البيت وازيد موضوع المشي شوي … يعني احاول انه الدورة الدموية تتحرك في جسمي اكثر …
بديت ولله الحمد من اجهضت التزمت بحبوب الفولك اسد .. وحبوب الدم بعد فتامين دال عندي 4 من اصل 70 يعني لا يذكر …
من الامور اللي اهتميت فيها موضوع اكلي وشربي قد ما اقدر كنت ابتعد عن الفاست فود والاكل غير الصحي … اهم شيء عشان يكون عندي ولد مكتمل الصحه …
شهر فبراير سرت للدكتورة بعد الاجهاض ب20 يوم قالت لي في بويضه وقياسها وايد زين والله يكتب لك الحمل بس مافي حمل … رحت وسويت تحاليل اضافيه قالت لي هرمون الحمل مرتفع وعطتني حبوب تخفضه .. وخذتهم لمدة يومين حسب الوصفه ( النتيجه مافي حمل )
… انا اجهضت بس بدون غسيل رحم اللهم لك الحمد والرحم عندي كان زين حسب مايطلع للسونار
شهر مارس نفس الشيء تابعت وشربت جرفه وكنت اركز على عصير الاناناس بس بعد سبحان الله مالله اراد لي الحمل … ( النتيجه مافي حمل )وكانت الدورة وايد متلخبطه تلعوزت نزلت بعد التبويض بيومين وعقب وقفت يومين وعقب نزلت ليلة وعقب تميت لين تاريخ 11 -3 -2016 نزلت عدل … رجعت وبقوة عزيمة اكثر وقررت اضيف شيء يديد … اكمل لكم عقب لانه لازم ارفع لكم الصور
بنات انا ام وزوجه مشغوله … موضوعي اكتبه للافادة عشان اللي تعاني او عانت من موضوع الاجهاض وعدم الحمل راح اكتب كل شيء بالتفصيل والصور ان شاءالله …
ننتظرج انا بعد دبه عيت العمليات تضعفني وعيا الوقت يضحكلي ولحمدلله عالنعمه
كتبي لنا عن وزنج والله يتمم لج ووللجميع بكل خير
ياهلا يا بنات … ارجع لقصتي …
من بداية شهر 4 قررت اخذ فايتكس .. واستخدمته بطريقتي والحمدالله حسيت من خذته نفظني عدل من بقايا الاجهاض لانه نزلت الدورة غزيرة .. وفيها بقايا والحمدالله تفاءلت خير … واللهم لك الحمد يوم حللت من اسبوع طلعت حامل …
بس الغريب من كم يوم نزل علي دم ويوم سرت للدكتورة قالت انها اجهاض مبكر … الحمدالله محاولاتي ناجحه … لاني ركزت وايد على موضوع الصحه واني اهتم بالفتامينات …
بس للحين مانزل علي الدم غزير … للعلم عدت التحليل كم مره وتاكدت من خلال تحليل البول وانتوا بكرامة و3 مرات تحليل دم .. اول مره كان في حمل والمرتين الهرمون نزل واعتقد انه الحمل انتهى وبتنزل علي الدورة …
راح ابتدي معاكم من يديد من مجرد نزول الدم واتاكد انه الرحم نظيف … من خلال متابعتي مع الدكتورة …
علمان باني اتابع مع الدكتورة كل شيء اخذه او اشربه بقصد تنظيف الرحم او الحمل …
ياهلا اختي ام الدحمي … وزني فوق الميه بشوي … 
الله يرزقج بالولد الصالح ان شاء الله
متابعه ويااااج نفس المعاناه يختي وابا الدوره تنتظم ووزني ينقص بس كيف اكافح الشهيه
خواتي الوزن ما ينزل اذا فيتامين دال نازل عن المعدل !!
ارفعوا من فيتامين دال وعقب الي ناويه تخفف وزنها بتقدر
ان شاء الله .. والجلوكوفاج يساعد في نزول الوزن بعد استشارة
الطبيبة المختصة
الله يوفقكن ويرزقن بالذرية الصالحة