فديتكن ممكن طرق طبخ العيش الايراني بكل انواعها ضروري لاني ريلي يموت في العيش الايران

هلا اختي..

بالنسبة للعيش الايراني..
باعطيج 3 وصفات..

العيش بالزعفران..

إنتِ سوي العيش بالطريقة العادية ويوم تحطينه بالجدر للتسكير.. تكونين قبلها ناقعة شوية زعفران بفنجان أو كوب شاي صغير ماي الورد..
وكل اللي تسووينه حطي الخليط على العيش وخليه يتسكر على النار زين..

العيش بالشبت..

نفس الطريقة يوم بتسكرين العيش تكونين فارمة شبت طازج فرم ناعم او الشبت الناشف الايراني وتحطينه على العيش وتخلطينه وتغطينه شوي..

العيش بالرمان..

بعد نفس الطريقة بالنهاية حطي حبات الرمان على العيش وهاي انا اشتريها جاهزة من الايرانين..واحطها على العيش الأبيض..

وبالنسبة للسمك واللحم والدجاج تقدرين تسوين بحث وبتطلع لج النتايج..
واوعدج باحط قريبا باميا باللحم بالطريقة الايرانية انا سويتها وصورتها في رمضان

وبصراحة طلعت لذيذة وعيبتهم..

وأتمنى تستفيدين وربي يسعدج ويا ريلج..وأسرتج..