السلام عليكم ورحمة الله
ولدي عمره اربع شهور ومن شهرين وانا اعاني مع الاكزيما
في البداية طلعت بوجهه والحين انتشرت على ايديه ورجليه وظهره وبطنه
ما خليت طبيب اطفال ولا طبيب جلدية وما رحت له
عالجته بالكورتيزون لاسابيع اختفى تماما وبعد فترة رجعت له
اخر شيء قلت للطبيب بوقف الكورتيزون لانه اضراره كبيرة قالي وقفيه واستمري على المرطبات والفازلين فقط
ومن وقفت الدواء رجعت له الاكزيما زياده عن اول
ساعدزني شو اسوي
الغاليه سيري عياده كلداري في دبي متخصصين في الامراض الجلديه….. وانا عالجت عيالي كلهم عندهم لان عيالي بعد فيهم اكزيما من يلولدون تظهر فيهم
علاجهم فنان مافيه كورتيزون والحلو انهم يعالجون وفي نفس الوقت علاجهم يخوز اثار الاكزيما او الحبوب الي ممكن اتم على الجلد
والله يشفيه ان شاالله
هلا حبيبتي .. ربي يسلم لج ولدج … ولدي كانت عنده نفس المشكلة واكثر بعد واحترت من كثر ما عالجته..
بعدها رحت عند دكتورة منى يوسف في عيادة فاين كير ونصحتني بمرطب اسمه بيو ديرما وخلطة الاكزيما من عندها الصراحة ومن دون مبالغة وايد نفعه ولدي والينه ولدي عمره سنتين والحمد لله اختفت عنه تماما بس لازم الترطيب بشكل مستمر يعني البشرة الجافة ترجع الاكزيما … حبيبتي انصحج تروحين عندها هذا رقمها037555007 في العين… واي استفسار انا حاضرة
الله يشااافيه ياارب …
الله يسلمج ها عن تجااااااااااااارب عديده
هاتي ورق الشريشه (النيم) واغليه في ماي وعقب صبيه في طشت ويوم بيدفا خلي الياهل يتودن فيه اشوي يعني 10 دقايق او حسب ما يقدر اييلس
اذا صعب عليه وما تقدرين تجبرينه عيل سبحيه بالماي بدال ما يتنقع فيه يعني تمي صبي وصبي عليه الين ما يخلص الماي
وكرري هالشي كل يوم لمدة اسبوع مثلا وعقب خليه في السبوع مره بس صدقيني من اول مره بتشوفين الفرق ان شاءالله
وهاتي صابونة الشريشه (النيم) في اي سوبرماركت وسبحيه ابها واااااااااااااايد زينه حق لكبار والصغار
اسال الله العظيم رب العرش العظيم ان يشفيه ويشفي مرضاكم ومرضانا وكل مريض اللهم آمين
جزاكم الله خير خواتي على المساعدة
والله يسمع منكم ويشفيه يا رب
انا بنتي فيها اكزيما سرت بها عيادة احمد فكري في بوظبي عطاني دواء فيه كرتزون بس استخدمه مره في اليوم بعدين بس ارطب
انا الاحظ على بنت اذا كلت كوسا او فرواله يصير عندها اكزيما و بطيخ بعد مرات من كافي انتي شوفي اكل ولد احتمال من اكل يرد عليه اكزيما