♣ شوربه القرنبيط ♣

❀ المقادير ❀

زهرة قرنبيط كاملة مقطعة لوردات صغيرة
2 بصل مقطع لمكعبات صغيرة
2 بطاط مقطع لقطع صغيرة
بقدونس مقطع لقطع صغيرة
( فص ثوم حسب الرغبة )
زيت للقلي

2 كوب كريمة الخفق
4 الى 5 كوب ماي ( حسب كثافة الشوربا )

2 ماجي
ملعقة كبيرة ملح
ملعقة صغيرة فلفل اسود
ملعقة صغيره سنوت أو حوز الطيب ( حسب الرغبة )

❀ الطريقة ❀

نحمر الزيت ع النار وعقب نحط البصل و البطاط و القرنبيط ونحركهم على نار هادية
ونخليهم شوي لين ما يصير لونهم ذهبي

نضيف كريمة الخفق والماي ونخليه لين ما يغلي وتلين الخضره عندنا

نسكر الغاز ونتركه على جنب من ساعة الي ساعتين تقريبا لين ماا يبرد

من يبرد نبدأ نحطه تدريجيا في الخلاط ونخلطه

وعقب نرد نشغل عليه النار
ونضيف الماجي والبهارات ونتركه لين ما يغلي وينضج مدة ربع ساعة تقريبا

وعقب نحطه بالملال ونزينه بالبقدونس