بنات والله تعبت من لبس النظارة , من 6 سنوات وانا البس النظاهرة دوم حتى في العرس والله ان ها النظارة اثرت على مظهري واااااايد وخاطري اعقها بس المشكلة اني ما عرف احط العدسات
مرة سرت محل النظارات وحاولت الحرمة تحطلي العدسة في عيني بس ما قدرت وحاولت انا بعد وما قدرت لان عيوني واااايد ترمش
كل ما اخبر حد يقولولي عادي وسهل انج تحطين العدسات
بس انا اخاف احط
علمني طريقة حط العدسات بلللللللللليز بنات خصوصا قبل العيد
سااااااااااااااعدوني بلييييييييييييييييز
انتظر ردوودكم
شوفي حبوبة .. أكيد يوم تحطين أول مرة بيكون صعب
أحيد يوم لبست أول مرة العدسات بالساعات لين ما خلصت
بس ألحينه عادي .. والسالفة هي تعود
وأكيد العين بترمش !!
وعشان الطريقة .. أنا عن نفسي أحاول احط الجانب العلوي قبل السفلي
بس غيري يبدأ من السفلي
وموفقة الغلا
مشكوووورة فديتج ع الرد
انطر البقية
L0000000000000000000L
ادخلي هني
فيه معلومات بتفيدج
http://biolookcl.com/Page35.htm
لا تنسيني من دعوة طيبة
وان الله يحقق اللي في بالي
اختي الغالية
ترا العملية سهلة وايد بس بغت لها تركيز
حاولي يوم تفتحين عينج تكون عدسة العين سيده يعني طالعي العدسة
وهيه تركب في عينج يبالها شجاعة شوي ونظافة طبعا حاولي بعد غسل ايدينج ما تمسكين اي
شي عشان ما يطيح في عينج ولو تكونين واقفه على المنظره يكون احسن
انا عني كنت اركبها وانا مغمضه عيوني .gif "12 (99)")
بس الحين الحمدلله سويت ليزك وفتكيت الدنيا جذيه احلى .gif "12 (35)")
اتمنى لج التوفيج يا رب
اختج فتون
امممممم
أنا من سنة مسوية انتراليزك ومفتكة من النظارات والعدسات للأبد إن شاء الله
بس بخبرج طريقتي القديمة
كنت أطالع في المراية ,, أحط العدسة في عيني اليمين مثلا وأنا أطالع بعيني اليسار في المساحة البيضاء من العين ..
أحطها هناك عقب شوي شوي ألف السوادة صوب العدسة .. مرتين ثلاث لين تركب العدسة على سواد العين .. وسلامتج
انا كنت خبره البس العدسه حتى لو كنت في السياره بس الحين الله فكني سويت ليزر ورتحت