السلام عليكم
طفح بي الكيل يا بنات
مشكلتي بإختصار
فبيتي عدنا كراج براعي وزراعه امحوطه
المهم لمن ايي من مكان ولا ساعات ريلي يرد من دوامه
والله العظيم بكل وقاحه الاقي سيارة ييرانا فكراجنا وساعات لمن اوقف سيارتي فالكراج يحطون سيارتهم ورى سيارتي يعني اذلال حقي لأن حطيت سيارتي فكراجي
ومن غير جي يحوطون بيتنا صوب الزراعه الي امسوية تحتها كله مثل الرصيف وعافدين فوقه
يعني لا يرحمون ولا يخلون رحمة ربهم تنزل وانا والله مستحية من يارتي
حرمة كبر امي وعندها عيال كبري واكبر عني
شو اسوي طفرت ؟
مب عيشة هاي؟!!!!!!
والله قهر
احنا نفس الحاله … يعني بيوت شعبيه ..بس يارنا دووم يوقف سيارته عند بابنا
ماعرف ليش هالسخافه … حتى امي مره كلمت مرته … ولا حيات لمن تنادي
تخيلي يوم حد ايينا يوقف بعيد لأن حضرته صافط سيارته ع الباب …
حتى مرات ايونا بنات خالتي و اهلنا يشوفون سيارته يتحروون عدنا ناس و يرحوون
والله ماعرف شو نسوي … قلت حق امي بكتب ورقه بحطيها ع سيارته .. مارضت خخخخ
اذا لقيتي حل خبريني ^_^
نفس هالسوالف ما فيها مستحى اختي وحتى لو كانت أكبر عنج أكيد انتي إذا رمستيها بترمسينها بالطيب مب ضرابه … ومااعتقد ان في حل غيره ….. عشان يحسون لدمهم شوي … وإذا طنشو كلامج طرشي ريلج حق عيالها ويخبرهم
المشاركة الأصلية كتبت بواسطة قطوه مينونه 
ماعرف ليش هالسخافه … حتى امي مره كلمت مرته … ولا حيات لمن تنادي
تخيلي يوم حد ايينا يوقف بعيد لأن حضرته صافط سيارته ع الباب …
حتى مرات ايونا بنات خالتي و اهلنا يشوفون سيارته يتحروون عدنا ناس و يرحوون
والله ماعرف شو نسوي … قلت حق امي بكتب ورقه بحطيها ع سيارته .. مارضت خخخخ
اذا لقيتي حل خبريني ^_^
والله لو عندي حل جان ما ببخل عليج حبيبي
لا اتزيديني قهر وهم على هم
ما قول غير حسبنا الله ونعم الوكيل
المشاركة الأصلية كتبت بواسطة دلاال مب جي يا دلال
المشكلة ريلي اخس عني من النوع الخجول
يعني هم شافونا حطينا سياييرنا فالكراج معناته ما نبا حد يشاركنا
ومرة ريلي حط سيارته ورى سيارة ولدها عسب يأدبه لأنه كان امحطنها فكراجنا
اتصوري شو سوا؟
فشش تواير سيارة ريلي
بالله عليج شي اوقح من جذا؟!!!!!!!
الله يعينج عليهم بس مافي حل الا بالمواجهة
عطيني رقمهم وبراويج ان سيارة وقفت عند بيتج خخخخخخخخخ فديتج قوليلهم لاتسكتين هذا حقج وهالمنطقة جزء من بيتج انشالله يوقفون سيايرهم بالشارع مالكم ذنب