تجربتي مع التلقيح الصناعي المرة الاولى والثانيه ؟

خواتي متزوجه من اربع سنوات وتاخر حملي بسبب هرمون الحليب وتعالجت خلال هذي السنوات وماصار حمل تعالجت اكثر من عياده والحمدلله

السنه الثالثه :
تعالجت في عياده وشرحت لها ..واشارت لي اني اسوي اشعة صبغه ….ظهر انبوب متسكر …..
وبعد خبرتني عادي يصير حمل على انبوب واحد تعالجت وما حصل حمل ………………
والمره اللي بعدها سويت اشعة الصبغه المره الثانيه في عياده ثانيه وطلع نفس الشي الانبوب نفسه متسكر …

وتاخرت واكملت في علاجي بنفس العياده قالت لي لازم تسوين حمل الانابيب …..

في هذي السنه االرابعه : فتحت ملف ب مستشفى توام ….

المرة الاولى : سوا لي تلقيح صناعي وماصار حمل والحمدلله نزلت الدورة في وقتها لمحدد
وانتظرت لمده ثلاث شهور استراحه من الابر …….والادويه ……..

المره الثانيه : عملت تلقيح الصناعي ….ولما وقت تاريخ الدورة نزل مني دم بني قليل …..والدورة مب راضيه تنزل طبيعيه ….سويت اختبار حمل فالبيت طلع سلبي …..انتظرت اليوم المحدد اللي الدكتوره خبرتني اسوي تحليل دم اذا كان فيه حمل او لا طلع سالب …..

استفساري للي جربوا التلقيح الصناعي اتمنى يفيدوني من تجاربهم …..

انا للحين الدورة مب راضيه تنزل فقط دم بني ….اتصلت قالت لي الدكتوره انتظر والدوره بروحها بتنزل …….

الحين انا متوتره …… لان المفروض تنزل الدورة طبيعيه في نفس التاريخ وانا من يوم موعد الدورة دم بني قليل ينزل ولين هاليوم كملت ااسبوع لى هالحاله وما اعرف شو السبب بعد انتظر ……………………….

مليت وما اعرف اتمنى للي عندها خبره بهذا اتخبرني وتفيدني ……………..

ومشكوين واتمنى تردون عليه ولو بدعوه طيبه …………………

تعقدت شي بسيط قاعد ينزل ويوقف وما اعرف شو السالفه بنتظر عسب تنزل دوره طبيعيه ……

اول مرة يصير معاي جيه …..بني وبعدين يتهياء لي دم دوره ومرات يوقف ……

الله كريم …..بحاول المره الثالثه …..تلقيح الصناعي …..الحين بوقف العلاج لمده شهرين تعبت من الابر والحبوب .

بس أنا في حملي الأول ياتني الدورة لمدة عشر ايام يعني طولت و كان لونها بني وخفييييفه

كنت اتحسبها دورة وماكنت ادري اني حامل

خبرت الدكتورة قالت لي كان نزيف والحمدلله عدى على خير