شخصياتنا تختلف شي ناس اذا جربوا شي معين لفترة قصيرة او طويلة يقدرون بكل سهولة
يتخلون عن هالشي ..
مثلا تعلق بمكان معين او انسان او عادة معينة او طبع او موقع الكتروني او النت …. الخ
وشي ناس اذا جربوا الشي حتى لو كان غلط يتعلقوا فيه بقوة ولو جبرتهم الضروف يبعدوا
عن هالشي بصعوبة يقدروا ينسوه او يتخلوا عنه ويحاولوا باي طريقة يرجعوا لهالشي حتى لو كان غلط
و بيضرهم في حياتهم ويسبب لهم مشاكل .. ..
يعني .. .. كيف ممكن للشخص انه يتخلى عن اي شي تعلق فيه ومايكون هم او يكون شي
شاغل باله 24 ساعة .. .. !
بالرغم ان هالشي مايستاهل وبيسبب مشاكل لو الشخص استمر فيه ..
نصائحكن حبيباتي وربي مايحرمها من غاليها الي بتشارك في هالموضوع ..
( هاي مشكلتي ومشكلة واايد من اربيعاتي )
صراحة مثل ماقلتي حسب كل واحد وشخصيته
في ناس يقدرون ينسون بسهوله في ناس يتعلقون بشئ بصورة قوية حتى لو غلط
وعلى فكره هذا يفسر ان بعض الناس يستمرون بمعصية معينة وفي ناس يوم يعرفون انها غلط يتركونها بسهولة مب ضروري الايمان بس شخصهم جي
والنساء اكثر شي احس يتعلقن في الاشياء خاصة لانه عاطفيات
بس اتوقع ان الانسان يحاول يحصي المنافع والمضار
يعني يكون له دافع
يعني اذا في شي بيدمر مستقبلة لازم يقوي تفكيرة بالمستقبل
ويتذكر التعب والالم اذا ماحقق امانيه او مستقبله ضاع
واذا شي فيه اغضاب لله عزوجل لازم الانسان يقوي ايمانه ويحافظ على الصلاة لانها تنهى عن الفحشاء والمنكر
واذا كان ادمان على شي مفيد مثل الدراسة او العمل ولكن الادمان يسبب التعب يحاول يدور له على هواية يروح بها عن نفسه او عباده
يهتم ويوجهه اهتمامه لشي اخر ينفعه
يحاول يشغل نفسه بالقراءة سواء قصص أو أي شئ يحبه .. 
الله يعين الجميع
صعب
و احيانا يحتاج لطبيب نفسي للتخلص من طباعه
كان الله بالعون
تحصلين شي يديد يجذب انتباهج لين تتخلصين من السابق
ربي يوفقج أختي
لا إله إلا أنت سبحانك إني كنت من الظالمين
﴿ وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَآئِمًا فَلَمَّا كَشَفْنَا عَنْهُ ضُرَّهُ
مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ ﴾