وكان نازل موضوع شبه خيالي عن الرومانسية حق المتزوجات
وكله كاتبين له كوني وكوني
انا طفرت، جان اقول فرضا "مابي اكون"
شلوون يعنيييييييييي؟؟؟
يعطوون نصايح رومانسية بس اقرب للخيالية يعني!!
يبونج 24 ساعه حاطه مكيااااج
و 24 ساعه لابسه اكشخ لبس
و 24 ساعه مافيج لاغلط ولا عيب
ترى احنا اوادم مو مكاااين !!!!!!!
والمشكله انه يعطوونج جدول يومي
اشلون تكونين 24 ساعه كاشخه وراصه روحج بهاللبس الضيج
والمكياج الاوفر!!!!!!
ترى هذا بالنهاية المفروض يكون بيتها وتبي ترتاح!!! اهيه عايشه ببيتها !!
مو عايشه بالافينيووز لازم 24 ساعه لابسه بدله وكعب ومسوية بف
عسى ماشر؟ بتقزين بالغرف مثلا؟؟
:
فـــ يه هالموضوع على عبالي وألفته من العصبية :
كاااااااااك
( لن اكون رومانسية )
لن اكون رومانسية لاجذب انتباه زوجي واكسب حبه
فيكفيني فخرا ان عشقني بهلاقتي !!!
لن استشور شعري، لاجذب ناظريه
فكافني فخرا ،، ان عشقني بكشتي التي عندما اقف امام الشمس، اسوي ظاهره الكسوف (مثبت علميا)
لن اضع المكياج، لاكون الاجمل في عينه
فكافني فخرا،، ان عشقني ومعه كشف الاحصاء السكاني لعدد الحبوب في وجهي. ( اخر احصاء سنة 2024 عن عدد ينهاز ثلاث حبات يسار بسبة الدورة، وحبتين بيبهتي بسبب فاوندشين مغشوش)
لن البس من لاسنزا، ليفتتن بي!
فكافني فخرا، ان عشقني ببجايم مجمع مستورة ( افضل طرق التوفير)
لن انظف المنزل من الغبار،، لاكون افضل ربة منزل،
فكافني فخرا، ان عشقني فوق الكثبان الرملية المتراكمة فوق كل طاولة ( حب صحراوي )
لن احف شواربي ،، لاكون اجمل وجه ينظر اليه
فكافني فخرا ،، ان عشقني وانا احلف على شواربي بحبي له ( اصدق حب)
لن ارقص له،، لاكون فاتنته
فكافني فخرا،، ان عشقني وانا جاثمه على لابتوبي وكشتي تحجب الشاشه عنه ( للخصوصية)
لن اسمعه كلام معسول،، لاسرق قلبه
فكافني فخرا،، ان عشقني وهو يناديني فلانه اقول له " هااااااااااه " مع حنج يطق الارض ويرد مكانه (تعتبر هاه اسرع وسيلة استجابه عند المناداة)
لن اشد حيلي كباقي البنات واعيش الاحلام الرومانسية
ولن ارهق نفسي بالخلطات وساعات طويله امام المنظرة للتمكيج!
حتى اكون رومانسية !!!
الن اكون اسعد انسانه لو بلعني هالانسان بكل عيوبي ؟؟
.
.
.
.
.
.
.
( هذا ويهي اذا استمر عندي يومين )
ههههههههههههههههههههههههههه
خخخخ عفيه مو تنرفزكم النصايح الرومانسية الي عايشين بزمن رحلة عنابة ؟؟ 
–> اوووللله شلون طرت على بالي
لين هني منقووووول ….
ورأيي الإعتدال في كل شي مطلوب ..
مب معقوله 24 ساعه الفاونديشن ع ويهي ولبسي اغراء ومرصص
ليش ما أكون على طبيعتي وبسااطتي ومرتبه في نفس الوقت …
عشان يوم أكشخ يحس ان في شي تغير فيني
صح كلامي ولا أنا غلطانــــــــــــه … ؟
هههههـ
رووعة الموضوع
وحليلها ,, اكيد هاي مب معرسه ههـ
انا المثل الي امشي عليه ,, النظافة ,, والاعتدال
يعني لو وحدة نظيفة ومرتبة ,, يسد هالشي
إلا لو ريلها طلب أنها تغير ستايلها ^_^
ويختي الوحدة عادي بتحطي مكياج ,, لكن كل ساعتين لازم نشيله ,, نتوضى ونصلي ,, شو ماشي شغله يعني ههههـ
واللبس مب كل الرياييل يحبون المفصخ ,, في منهم ما يغريه إلا اللبس الكيوت 
وكل وحدة المفروض تعرف شو يحبه ريلها وتمشي عليه ,, بلاا نصايح بلاا هباب اسود هههههههـ
نقنوقتكم كانت هناااااا ^__^
النصائح الخياليه و المغالاه في تقديم الحلول عيب من عيوب المنتديات
لذلك الوحده وجب ان تتصرف مع زوجها حسب شخصيته وحسب
شخصيتها مب حسب ما يملون لها النااس من اوهام
وخيالات تحت مسمى نصايح
الاعتدال زين مب اوفر
مكياج خفيف مب شرط فونديشن .. انا احط كريم اولاي وبلاشر ومسكرا وجحال وبس
ومب دايما حسب المود ..
مشكوره عالطرح
ههههههههههههه حلوو المووضووع
الحمد لله هالسوالف انا ما يخصني فيهاا ولا اعبررها اللزم ماا علي راحتي
وكل وحده ادرى بريلهاا شوو يحبب
وااايد ريايلل ماا يحبوون الميكب يحسوون وييه الحررمه مثل المااسك مززيف ويحبونها بطبيعتها ومنهم ريلي والحمد لله خخخخخ ( حتى انا ما احب هعهع الاا ناادرا وشيي بسييط )
فعلا حبيبتي يوم تقري مواضيع ع المنتديات
تتعقدي من نفسك
يلي تجلس تكتبلك ع لياليها الرومنسيه ويلي توصفلك شو تلبس وشو تعمل
الاعتدال حلو بكل شي
حتى في هذه الامور
بس الخيااااااااااااااااااااااااااااال الجامح مرفوض
تسلمي حبيبتي موضوعك كتير حلو
بالتوفيق اختي بارك الله لكي