السلام عليكم ورحمة الله وبركاته
طبعا هاي اول مشاركه لي فالمنتدى وأتمنى من الكل يتفاعل وياي…
البدون وبعدين يعني لي متى هالحال؟؟؟
متى بيوزعون مرسوم الجناسي؟
كل شهر يقولون جريب ومانشوف شي؟
والله لو تشوفون حالة ربيعيتي هم بدون .. سياره بالاقصاد مايقدرون يشترون مدارس مب قادرين يدفعون لاب توب بالاقصاد مب قادره تشتريه سفر مب قادرين يسافرون والله العظيم يدتها تعبانه وتصيح فالمستشفى تتمنى بس تروح العمره تعتمر قبل لاتموت ..
مع انهم متربيين فالامارات عايشين فيها من صغرهم ليش كل هذا …
ألحين نحن المواطنين اللي نشتغل مب قادرين نصرف على عمارنا كيف البدون والله حالتهم تكسر الخاطر …
دفعه عطوهم والبقيه ليش ما يعطونهم ليش المذله الواحد كم بعيش كم بيتريا ؟؟
الله يخليكم اللي تعرف شي عن موضوع الجناسي شو سالفتهم وليش مأخرينهم تخبرني واللي تعرف حد يقدر يمشي لهم اوراقهم بسرعه تساعدهم والله محد كاسر خاطري غير يدتها مع انهم كان عندهم جواز محلي للاسف سحبوه عنهم
للاسف بعض البشر يطالعون البدون بنظره ثانيه ليش لانهم ابلوش كلنا بشر وربنا واحد …
بلييييييييييييز اللي تعرف واسطه من بوظبي والا حد من الكباريه لا تترد والله بجازيها كل خير …
والله لو بيدي جان كلمت الهم حد بس للاسف ماعندي حد اتمنى انكم ما تردوني….
والله لو بيدي جان ساعدتهم بس للاسف ماعندي واسطه كبيره
اتمنى من البنات يساعدونج وان شاء الله مابيقصرون وياج
أنا سمعت انه جريب بيوزعون بس متى مادري تبين الصدق من متى نسمع هاي الرمسه ومانشوف شي
الله كريم
ان شاء الله يعطونهم
ويستانسون………….
وان شاء الله يدتهم تسير العمرة والله يطول بعمرهااااا آمين
مابيد حييييييييييله خلهن يصبرون وان شاء الله خير
مشكورين ويزاكم الله خير
الله المستعاان
صدق حالة يرثى لها