انا ما بطول عليكم بخبركم بقصتي واباكم تعطوني رايكم فيها ( ارجوكم بدون تجريح )
بنات انا بنية ملتزمة واهل محافظين طبعا انا عمري 31 سنه يعني تقريبا طافني قطار الزواج بنات انا تعرفت على واحد وكنت ابى اتزوج وبس لان كل خواتي معرسات الا انا واتم في بتنا وبحجرتي بروحي محد يدري عني ( الله يوفقك خواتي ) بس انا ابى حد يسئل عني يوم اكون تعبانة واكون بروحي بالايام ,,, ما بطول عليكم بنات هل الولد جال يا بنت الناس اذا تبين زواج ترا انا مستعد وما عندي غير جي جلت له اوكي ( مع العلم بأنه مطلق وعنده ولدين) وانا جلت له احنا لازم نشوف بعض جبل ما تيي البيت هذا من حقك ومن حقي (طبعا في اي مكان عام ومع اهلي هب بروحي ) بنات ما ادري شو اسوي اسير اشوفه واتوكل على الله وعسى خير ولا اخلية ييي البيت وعجب يجول ما عجبتيني واتفشل عند خواتي واخواني واهلي والله ما ابى حد يجرحني كافي اللي فيني والله محتارة وما ادري شو اسوي ؟
( بنات نسيت اخبركم ان عمي كان مسويلي سوا اني مول ما اعرس وانا ما كنت اعرف بس يوم يا المقرئ واتعاجت بالرقية الشرعية وبس كان بسبب خلاف ويا ابوي )
والله بنات انا صدج محطمة ونفسيتي وااااااايد مجروحة وما ادري شو اسوي ابى اعرس عسب اكون شرات خواتي وعسب ما احس بالنقص وبعد ابى اثبت لعمي ان لا يفلح الساحر حيث اتى وانا الله وياي وشو ما سوا الله بيوقفني ,,,, وبعد هو دوم يجول هاي منو يباها شوفو كام عمرها هاي بتم شي طول عمرها ,, وانا يوم اسمع هل الكلام من اهلي اسير حجرتي واتم اصيح واصلي واقران واقيم الليل وادعي ان الله ينصرني عليهم مع اني ما سويت له شي بس بسبب خلاف عائلي واني انا بنت اخوه ( ابوي),,اه اه اه اه اه
والله بنات مترددة عادي اشوفه واخلية بس يشوف ويهي بمكان عام ويا اهلي ( الصغارية) واتوكل على الله
وعجب شو اجول اذا تباني تعال ولا اسكت عنه واطنشة مع العلم اني اكلمه بالتلفون وما اعرف اتصرف
والا اخبره اني ييي البيت ويشوفني عند اهلي بس اخاف ما اعيبة و يودرني وانجرح بكلام اهلي
ما ادري ارشودني ,,, انصوحني ,,, انا صدج محتاجة افضفض وما عندي حد غيركم
ادريبكم انتوا خواتي وبترشودني لدرب الخير
والله ابى اعرس وما اعرف شو اسوي ساعدوني
بليز بنات لاتجروحني كافي اللي فيني,,,,,
الغاليه خله اي بيتكم احسن
يجوف عجبتيه ولا ما عجبتيه ما بتكونين امسويه شي غلط لانه جدام اهلج
و خله هو حد من اهله يدق حق امج يخطبج منها مب لازم اتقوليلهم انج اتعرفينه
و اذا من نصيبج بتاخذينه
و انتي تةج 31 ما فاتج القطار بعدج صغيره 
الله يكون بعونج اختي
الريال اذا يبيج صج ما بيهتم بشكلج او مظهرج
انا اقولج توكلي ع الله و قابيلة يمكن يكون من نصيبج و دامة في مكان عام عادي و يكون حد معاج مب بروحج
اسمحيلي
اذا خايفه انج تنحرجين شوفيه مكان عام ومن بعيد
او خليه يتقدم وتوكلي ع الله ولو كان نصيبج بيتيسر امورج
ولاتهتمين بكلام الناس دامه يباج مابيفكر بشكلج او اي شيء
الله يرزقج الزوج الصالح ولاتهتمين بكلام اهلج
يشوفج في بيتكم احسن من ان يشوفج برع حتى لو في مكان عام …..
مشكورين خواتي على ردودكم الطيبة وتعاطفكم معاية
بس انا لين احين انا ما ادري شو اسوي ؟
بليز فهموني اكثر شو الصح وعجب
شو اسوي؟
شو اجول ؟
شو اتصرف؟
,,,, ما دري كيف؟
وجزاكم الله خير
اختي 31 مب عودة وايد بعده مافاتج القطار ربي ايسر امورج