السلام عليكم ورحمة الله وبركاته
خواتي الله يحفظلكن عيالكن
انا موظفة وعندي طفل عمره 8 شهور
وساكنة ويا اهل ريلي
ولدي احسه ما يستلطف بشكارتي …مع انها زينة
هي حبشية ومب معرسه …بس ولدي احسه يبكي وايد منها
مااروم اودي ولدي عند امي …لان بيت اهلي بعيد عني وايد
ولا يمكن انا اوسوس من كثر ما اسمع هالقصص اللي تشيب شعر الراس
وريلي يفكر يطلعنا في بيت بروحنا
ابغي اسال الاخوات الموظفات …
وين تحطون عيالكم يوم انتن في الدوام ؟
تنصحوني احط ولدي في الحضانة ؟؟
ربي اني استودعتك ابني فاحفظه بحفظك الحفيظ
خلي ولدج عند عمتج ام ريلج ومعاه الخدامة
المشاركة الأصلية كتبت بواسطة A+k 
عمتي مالها بارض لليهال …وطلعاتها كثيرة
الله يعينج
حبيبتي دام ولدج ايصيح من الخدامه عن تجربة اقولج شغالتج هب زينه جدامج اتمثل الطيبه بس من وراج الله اعلم انا مريت بهالموقف يوم كانوا عيال صغار يبت وحده ولاحظت الولد وهو بنفس عمر ولدج كل ما تمسكه الخدامه ايصيح قلت يمكن يباني انا اكثر منها لاني بعد الدوام نادرا ما اخليه عند الخدامه بس اكتشفت بعد ما سفرت الخدامه عوقب اسبوع بس من ييتها ع اساس انه امها ماتت وانا صدقت ناطور العماره خبر ريلي انه كان يسمع الخدامه تضرب الولد يوم احنا بالدوام وعشان جي كان الولد ايخاف منها احسن لج غيريها والله ايعين حريم هالوقت لان الخدامات الحين صارن اردى واردى حتى لو الحرمه ما عقت عليهن العيال كل الوقت
صدقيني لو ان الخدامه زينه مع ولدج بيحبها وبيستلطفها لكن مدامه يصيح لحقي عليه ليستوي فيه شي بعيد الشر عنه
لاتستهينين بهالامور مثل ماقالتلج الاخت عيالي وبس
الله يحفظه لكم يارب
بالتوفيق اختي بارك الله لكي