هلا خواتي
عندي بعض الاسئله بليز جاوبوني
انا هذي ثاني ولادة بتكون ان شالله
احس ف اول ولادة لأني اول وحده من خواتي تربي بما عرفت اتجهز حق الولادة ابدا
هالمرة ناوية بمساعدتكم اترتب عمري وللبيبي عدل ان شالله
جاوبوني بلييييز:
اولا انا شريت جلابيتين مع شيلهم حق المسشتفي لانه بتم بس يوم او يومين انشالله
سؤالي :
1) بالنسبة لجلابيات البيت خلال فترة ال40
انا خذت 5جلابيات قطن خفيف بالدانتيل بسيط ولهم فتحات لرضاعه
هالجلابيات قلت بلبسهن خلال ال40
هل تكفي خمس والا ازيد
انا قلت حرام أزيد لأني أكيد ما بلبسهن عقب
أنتو شو اشورون علي؟؟
أزيد وألا اكتفي بخمس
سؤالي الثاني:
انا برجع بيت ريلي بعد اسبوع من الولادة
وانا ادقق ف كل شي
بالنسبة لفترة ال40 شو تقترحون علي البس حق النوم؟؟
يعني تنصحوني اشتري بجايم حق ال40 بليل وقت النوم
والا استهلك اللي لابستهن فالحمل
؟
واخلي الملابس النوم اليداد حق بعد ال40؟؟
سؤالي الثالث:
ملابس الداخلية لفترة بعد الولادة :
يعني ستيانات مريحه للي فترة الرضاعه
من وين أخذها؟وكم ستيان أخذ؟
والهافات
انا مجربة مال ماركس سبنسر وااايد هافاتهم مريحهً
سؤالي الرابع:
حق البيبي بببدا هالشهر أخذ له
ابغي اسأل
أكيد فالفترة 40 وبعد لين 3شهور
بتم البس البيبي اوفروول صح؟
انزين من الحين كم اوفروول أخذ ؟؟
بعني أكيد بخذ من 0-3
بس كم قطعه أخذ ؟؟؟ مبدئا؟ وكم فانيلة داخليه أخذ
هذي أسئلتي
بليز ساعدوني
بالنسبة للجلابيات الخفاف يمكن يكفن اذا في شي غيرهن مثلا جلابيات مخورة اذا في زيارات صارت للأهل يعني وممكن مغربيات خفيفة
افضل تأخذين بجامات يديدة أتكون قطنية ومريحة لفترة الاربعين
بالنسبة للبيبي الاوفرولات أخذي ٥ قطع مالت الميني بيبي اللي تنباع في المذركير ومن ٠-٣ أخذي من بيبي شوب او كارترز او ادمز والعدد يكون ٦ كافي والفنايل أخذي ١٢ حبه واخذيله بدل خفيفه للطلعة
وبالنسبة للاندر وير أخذي من ماركس سبنسر روعه الصراحة او من بي اتش إس
والستاين اخذيلج ٦ حبات او اكثر اذا حابه
وانشالله اكون فدتج بشي
والله يسهل عليج يارب
للرفع
بالنسبه لقمصان النوم يكفي اللي اخذتيهم حبوبه .. واخذيلك كم بيجامه تدفيك وتكون مريحه لان الجوء بدأ يبرد ..
البيبي من وجهة نظري لبسيه فترة الاربعين السبوحات مع قماطاتها واذا الجو بارد لبسيه تحتها بربتوسات داخليه قطن .. عشان السر مايألمه وعلشان اريحلك في تغيير الحفاظ .. بالنسبه للافرولات خليها بعد الاربعين واشتريها من عمر 3-6 اريحله في اللبس ماتكون ماسكه على جسمه وبنفس الوقت تستفيدين منها فترة الشتاء ,, 6 افرولات زينه مع كم بيجامه وقت النوم والافرولات حاولي تاخذينها تكون عند الرجلين مسكره عشان تدفيه من البرد وتقدري تلبسيه تحت الافرول شراب
ستيانات الرضاعه خذي 5 زين وشكلي بالوانها عشان ماتملين .. ابتعدي عن اللون الأسود عشان مايصبغ بجسمك اللون .. الهافات خذي اللي ترتاحين له ومجربته
دعواتي لك بولاده ميسره بأذن الله تعالى .. الله يسهل عليك امورك يارب
up upu up
عزيزتي حطي في شنطة المستشفى أكثر من 3 جلابيات…
سبحان الله ما تعرفين يمكن يتوسخون..أو لا سمح الله ما تربين طبيعي…كل ولادة تفرق…
بالنسبة لثياب البيبي خذي 6 فوانيل داخلية و 6 أفرولات نيوبورن..
أنصحج تاخذين فوانيل بيبي شوب وأفرولات نكست…
أخذي مدسين وأغسليهم قبل الأستخدام..
ولا تنسين فوط صغيرة في بيبي شوب أيون 6 مع بعض لترجيع البيبي..
أي شي تشترينه لبعد الولادة..أتأكدي إنه مفتوح من جدام عشان الرضاعة…لأنه لو مب مفتوح ما بتلبسينه…
لا تشترين للبيبي بدل وكشخة من الحين…لأن الياهل أغلب الوقت راقد…ما بتكون هالسوالف مريحة له..
حتى لو حد ياكم يسلم…الياهل أغلب الوقت مقمط..