السلام عليكم ورحمة الله وبركاته\
خواتي من تعرف فيكم محل يفصل الثوب العربي الراقي ؟ ووين ممكن أشتري القطعة ؟ وإيش هي الألوان المناسبة ؟
وشكرا لكم
*** للرفع ***
اشتري قطعه حرير مع الشيفون مالها وممكن تفصلينه في فريج المرر
السلام عليج اختي
بخصوص القطعة خذيها من عبدالله حسين خنجي وفصليها في شارع المطار عندج
محلين واحد مركز التطريز والثاني العيون الحديثة
المشاركة الأصلية كتبت بواسطة ريمي 
شكرا ريمي على الرد ..
بس أنا محتاره في القطعة وايد .. لأني أبي شيء مميز..
في ناس تقولي سويها مثل الطريقة البحرينية ..
ومحتارة اللحين أكثر من قبل …..
وماعرف هالقطعة البحرينية لازم تكون شيفون وله قطعه خشنه ..
وهل أخليه قطعتنين وله مثل الثوب المحلي مالنا ..
المشاركة الأصلية كتبت بواسطة كلني شوق بخصوص القطعة خذيها من عبدالله حسين خنجي وفصليها في شارع المطار عندج
محلين واحد مركز التطريز والثاني العيون الحديثة
هلا أختي كلي شوق ..
عبدالله خنجي أعرفه ..بحاول أروح محله يوم السبت أشوف القطع عنده ..
وأنا من سكان دبي .. يعني أعتقد فريج المرار ينفعني أكثر ..
مادري إذا أحد يعرف اسم محل معين أو مصممة مواطنه تعرف تصممه وتخيطه لي ..
???????????????????????????/