البطن والترهل بعد الولاده

السلام عليكم ورحمة الله وبركاته

نفس الاسئله اللي فبالي ياليت حد عنده خبره ويقولنا

شجون 83

نورتي وياليت حد يفيدنا

درب…درب…. عندي الجواب .. انا عن نفسي بعد الولادة امي ما تخليني اشرب ماي ابدا و اذا عطشانة وايد تعطيني الماي في فنجان القهوة مرة او مرتين في اليوم و تقدرين تعوضين الماي بشرب العصاير احسن لانها بتزيد الحليب و تقويج … اوكي.. بس عن الاكل الدسم انا ندمت اني طعت امي في هالشي لاني عقب الولادة وايد نزل وزني بس تخيلو اني عقب ما خلصت الاربعين رد وزني على حملي في الشهر التاسع…. يعني نصيحة كلي اكل صحي و بس ..مو شرط الدهن و الدسامة في الاكل

ان شاءالله

آآآمين يارب العالمين

والله عن تجربت خواتي وهن يموتن في الرشاقه ويردن نفس ما كانن قبل الحمل
طبعا كل وحده تولد ترجع كانها ما حملت .. انا توني حامل وهم حملن وولدن قبلي
ما ياكلن شي في زيت اكلهن يكون خاص دجاج مفوح مع خضره سمج مشوي وسلطه .. يستخدمن تبع شد وما شد للجسم وكريمات
وخل التفاح طبعا عند راسهن كل ما يسبحن وغير وغير اما عن الماي اشوف امي تشتريلهن عصاير ..

هذا اللي اعرفه

عن الماي امي اتقولي نفس الرمسه وأنا طعتها وعن الاكل كانت ما اتخليني آكل عيش كله فريد وسلطه وحبة الحمرا أو اي شي مشوي المهم ما آكل عيش والحمدلله جسمي رد مثل قبل بس كان فيه كرشه شويه رغم اني كنت أربطها طول اليوم الا وقت السبوح